Home International Ocho muhe Venezolana, rescata for di red di prostitucion na República Dominicana

Ocho muhe Venezolana, rescata for di red di prostitucion na República Dominicana

SHARE

Republica Dominicana – Dialuna ultimo Ministerio Publuco na República Dominicana a informa cu durante un razia, a desmantela un netwerk hende y a logra rescata ocho muhe di Nacionalida Venezolana.
Esaki a sosode den e districto di Nizao zuid di e pais. E muhenan aki tawata wordo usa pa prostitucion.

E institucion a laga sa cu durante e razia a cera dos negoshi y cu cinco persona a wordo aresta, entre nan dos muhe. Nan ta wordo acusa di diferente actonan criminal, manera maltrato tambe labamento di placa.

E victimanan ta hayando asistencia di parti departamento di derechonan humano di Ministerio Publico y tambe departamento di Anti Human Trafficking Bureau.
Desde aña pasa República Dominicana ta experenciando un fluho grandi di Venezolanonan, cu ta huy di nan pais debi na e situacion economico precario cu nan ta pasando a den.

Segun cifranan oficial, mas o menos un 18 mil pa 20 mil Venezolano a bay biba na República Dominicana den e ultimo añanan.

Na Aruba tambe algun luna atras den un night club den Oranjestad a haya un cantidad grandi di Venezolana, trahando ilegalmente como prostituta. Tur a wordo aresta y deporta. Ainda e club aki ta habri.