Home Local Gilbert Croes y Kenneth Arends a cumpli 10 aña trahando na Post...

Gilbert Croes y Kenneth Arends a cumpli 10 aña trahando na Post Aruba N.V.

SHARE

 

Oranjestad, Aruba: Post Aruba N.V.  a celebra 10 aña di servicio di empleadonan Gilbert Croes y Kenneth Arends. Ambos empleado a sa di destaca den nan trabou y semper ta cla pa bay e extra mile pa Post Aruba N.V..

Gilbert Croes ta traha como un besteller  y e ta hopi activo den comunidad. E ta traha cu Crus Cora y tambe a bay 1 siman St. Maarten pa brinda asistencia unda mester. E ta un persona creativo y ta aporta den otro departamento cu idea y sugerencia.

Post Aruba N.V. ta mira den Gilbert Croes e potencial pa crece. Tambe e ta un ehempel pa su coleganan, specialmente pa esunnan mas nobo y hoben.

Kenneth Arends a cuminsa cu Post Aruba N.V. 10 aña pasa como besteller, pero el a ricibi un noticia cu e no a spera. Dia di celebracion di hubileo, Post Aruba N.V. a bis’e cu e ta haya e trabou como un chauffeur special pa servicionan corporativo. E ta un persona cu ta traha bon y ta coopera cu su coleganan. Kenneth Arends ta un persona cu tin disciplina y respet pa tanto e clientela y personal di Post Aruba N.V..

Post Aruba N.V. a celebra e 10 aña di servicio di Gilbert Croes y Kenneth Arends den compania di e famianan y coleganan.