Home Local Aruba Certification Program hunto cu de Palm Tours enfokando riba futuro

Aruba Certification Program hunto cu de Palm Tours enfokando riba futuro

SHARE
Cu enfoke riba sostenibelidad, servicio y Capital Humano 
 
 
 
Den luna di oktober e team di ACP, e programa di certificacion di Aruba, tabata tin e honor di presenta su curso na e di dos grupo di empleado di Palm Tours.
 
Durante di algun dia sumamente interesante cu hopi interaccion, e team di ACP a presenta y a duna informacion na ‘tour guides’, chauffuernan di bus y algun miembro di gerencia di Palm Tours. Esaki tur cu e meta principal, esta enrikese e conocemento di e personanan aki cu informacion esencial di nos historia, cultura y medio ambiente. Asina conectando e informacion aki cu e trabou diario di cada un di e personan trahando den e industria di turismo. 
 
A enfoca riba diferente aspecto historico di Aruba y a para keto na e pregunta : Kico ta e DNA di Aruba? Kico ta haci Aruba unico? Kico lo mester haci pa Aruba por keda authentico?  Tambe a toca e tema di servicio excelente y dicon esaki ta importante. Un tema sumamente importante cu a wordo trata ta e aspecto di sostenibilidad y tambe con un compania na Aruba, te hasta un persona  individual por ta sosentibel. Por bisa cu ta di elogia cu Palm Tours a reconoce e importancia di e tema aki y asina ya caba ta moviendo den direccion pa segura un futuro sosentibel y solido pa Aruba.
 
Pa e team di Aruba Certification Program tabata un honor di por a colabora cu de Palm Tours y ta manda un palabra di danki pa tur ‘tour guide’, chaufeur di bus cu a volg e curso tanto den luna di april como recientemente den luna oktober. Un danki special ta bay pa e gerencia di Palm Tours y sra. Monica y sr. Roger.
 
Pa esnan cu ta interesa den e siguiende tanda di ACP pa aña 2018 por yama libremente na 280-2924 of bishita www.acp.com