Oranjestad – For di cuerpo policial nos a haya e siguiente relato oficial, relaciona cu e caso di hogamento na Boca Prins dialuna anochi.
Señora Rasmijn di cuerpo policial a duna e siguiente relato :
“Dialuna anochi pa 9:40 central di polis ta haya un jamada bisando cu un persona a cai for di baranca na altura di dos playa. Central ta manda un patrouille di biaha y ta notifica brandweer , ambulance , kustwacht y esun encarga cu parke Arikok. Na jegada di patrouille e testigonan ta conta cu nan tabata piscando na baranca y un di nan amigo a slip y cai den laman. No por a wak e mas y na unda nan a bati alarma di biaha. Brandweer y kustwacht a busca nan unda cu despues di basta rato a bin topa cu e curpa sin bida na dos playa chikito. Pa 1:15 di diamars madruga dr Texier ta constata morto di Angelo K. Croes naci na Aruba 28 augustus 1989 y biba na hooiberg. Cuerpo Policial ta manda palabra di condolencia na famia di e fayecido”.