Boca Prins – Dialuna anochi algo prome cu 10’or informacion a drenta cu un persona a cay for di baranca na Boca Prins. Mes ora e momento ey a cuminsa busca mas informacion y mobilisa unidadnan di rescate.
Informacion no oficial cu nos ta dispone di dje, ta indica cu e persona aki di Fam Croes, lo tawata piscando. Dado momento, probablemente e lo a pega un pisca grandi y esaki posiblemente lo por a causa cu ela bay awa.
Buskeda a continua pa casi 2 ora, caminda cu nan ta bin haye na un otro boca mas leu. Algun rato despues dokter Texier a wordo yama pa constata morto.
E curpa sin bida a wordo treci den pick up di parke na e entrada y pasa over pa Aurora Funeral.
Segun nos a compronde, lo ta trata di un cabayero cu tawata Dj. Aparentemente piscamento ta algo cu nan lo ta haci constantemente, na diferente caminda.
Di nos parti, nos ta manda palabranan di condolencia na famia di e fayecido.