Home » VICTORIA DI PARTIDO MEP TA DANKI NA LIDERASGO DI LIDER EVELYN WEVER-CROES

VICTORIA DI PARTIDO MEP TA DANKI NA LIDERASGO DI LIDER EVELYN WEVER-CROES

by sxm
0 comment 68 views

STA. CRUZ — Desde principio di aña cu partido MEP a lansa su campaña por a mira un campaña profesional y bon coordina. Un cara nobo y moderno di partido. E actividadnan cu practicamente tabata tin mensualmente tabata magno y cu presencia di miles di persona. E reconosemento na miles di baluartenan a trese MEP bek serca di pueblo, manera tempo di Betico.
Tabata obvio cu MEP a scucha pueblo, y MEP a pensa riba e solucionnan cu pueblo ta desea.
Na momento cu a cuminsa presenta candidatonan di peso desde trempan den campaña, e animo a crese mucho mas serca e pueblo votador. Y tur esaki a refleha dia a hasi entrega di e mihor lista den e eleccion aki, cu ta e lista di partido MEP.

Partido MEP tin e vision y e equipo pa soluciona e problemanan di nos pais, a wordo bisa cada biaha.
Tur esaki ta basa riba vision y liderasgo di Evelyn Wever-Croes y su equipo. Esaki a refleha tambe den su posicion como “vote getter” di partido MEP y second vote getter di Aruba.
Un dama prepara, cu experiencia profesional amplio den tanto sector publico como den gobierno; un politico cu experiencia; un mama, abuela, esposa.
E liderasgo di Evelyn y su forma incansable di traha dia aden y dia afo pa partido MEP a duna su frutonan. Su liderasgo a wordo cuestiona y poni na prueba, pero na fin di dia, Aruba a responde.

Awor ta toca na su persona pa purba forma un gobierno cu dos otro partido, un tarea no facil, pero cu e conosemento y experiencia cu Evelyn tin, e lo sa di hasi esaki tambe exitoso.

Pabien na MEP y lider Evelyn Wever-Croes.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio