Home Police Taxista herida den accidente na luznan di trafico na ex Fatum

Taxista herida den accidente na luznan di trafico na ex Fatum

SHARE

L.G.Smith Blvrd – Dialuna mainta den careda di 10’or polis a wordo manda cu urgencia na luznan di trafico, di ex fatum.
Informacion e momento ey tawata indica cu dos auto lo a dal contra un truck y cu e accidente ta pisa.

Na yegada polisnan ta topa e dos autonan envolvi, cual un di nan ta un taxi.
Un poco mas leu berdad tawata tin un truck para, pero e no tawata tin nada di haber. Momento cu e accidente a pasa, net e tawata pasando y esnan cu a wak e accidente a confundi y pensa cu ambos auto a dal contra e truck.

Autonan envolvi ta un Kia y un Hyundai.
Na e sitio loke nos a compronde cu a pasa ta lo siguiente, e Hyundai no a pone atenshon ariba e luz cora y a pasa bay. Ey ta caminda cu e ta dal e Taxi parti patras y draai e pone cara pa Oranjestad bek.

Chauffeur di e taxi a resulta herida y a wordo transporta pa hospitaal.