ORANJESTAD, Aruba: Recientemente Minister di Salud Publico, Cuido di Nos Grandinan y Deporte, Dr. Carlos “Alex” Schwengle a ricibi bishita di Minister di Educacion, Ciencia, Cultura y Deporte di Corsou, Marilyn Alcala-Walle hunto su cu funcionarionan den maneho. E bishita aki tabata fructifero cu intercambio di idea y di vision pe maneho di deporte.
Minister Dr. Schwengle y Minister Alcala-Walle a papia riba diferente topico, manera e proceso den deporte y federacionnan ta contento, etc. Minister Schwengle a splica Minister Alcala-Walle mas riba e vision y cu a firma e codigo di “Good governance” den deporte cu partnernan. Minister Dr. Schwengle a entrega e mandatario di Corsou e “visie document”, mientras cu el a ricibi un buki di arkitectura y historia di Corsou.
Ministernan Schwengle y Alcala-Walle tabata contento di a topa otro. A desea Minister Alcala-Walle hopi exito de su temporada di gobernacion.