Home Politics MEP: Diadomingo di Campaña masal di Partido MEP

MEP: Diadomingo di Campaña masal di Partido MEP

SHARE

Ya yegando na clausura di nos campaña pa Election 2017, Partido MEP a tene su ultimo diadomingo pa un campaña masal di bario pa bario pa Saluda nos hendenan y yama nan danki pa nan sosten na nos partido.

 

Partido MEP a marca historia un biaha mas ora cu masalmente pueblo a responde na nos yamada pa campaña den tur bario di Aruba hunto cu lider di MEP, sra Evelyn Wever-Croes y tur e candidatonan.

 

Mes momento nos a organisa un accion pa recauda fondo pa yuda damnificadonan di Sint Maarten, accion #YudaSinMiedo na unda Aruba a mustra un biaha mas cu nos ta yuda nos rumannan den reino. Na nos diferente cedenan rond Aruba, nos a pone un buzon pa asina esnan cu e deseo di yuda, por a pasa y haci nan donacion. E donacion aki a wordo entrega na Rode Kruis Aruba cu lo percura pa e donacion aki yega su destino. Un danki na tur esnan cu a colabora den e acto di bondad y hermandad aki.

 

E campaña masal a termina na Plaza Starke den curason di Playa cu un actividad bon presencia y bou animacion di Robert Jeandor y su Solo Banda Show.

 

Den su discurso e anochi aki, Lider di MEP, sra Evelyn Wever-Croes a encurasha un y tur pa bay trankil e resto di dianan cu falta prome cu eleccion y pa tur sigui positivo pero firme y no laga ningun hende intimida ni provoca niun hende pa asina tur cos bay bon te dia di Victoria pa nos partido.

 

“Dia 22 di September, e desicion ta den nos man. Nos lo bay determina den ki man nos ta bay entrega e maneho di e pais aki. Nos ta bay determina con nos ta bay laga e pais aki pa nos yiunan y nan yiunan. Laga nos tur convence un hende mas pa deposita nan voto di confiansa den Partido MEP cu ta e unico speransa pa salba nos pais. Nos vision ta e solucion pa cambia e rumbo di nos pais pa un miho”, tawata e palabranan di curashamento di Lider di MEP.