87
Segun Ministerio Publico diamars merdia.
Den e caso di IBIS Huez Comisario den casonan penal di Corte den Prome Instancia di Aruba, a duna ordo pa alarga detencion di e sospechosonan P.F.T. Croes y su chofer cu 60 dia, riba peticion di Fiscal di Husticia. Huez Comisario a tuma e decision ey, pasobra mescos cu Fiscal e ta di opinion cu tin un sospecho fuerte cu Croes a haci su mes culpable na hechonan castigable serio: soborno ambtelijk (pasivo), verduistering, labamento di placa, falsificacion y mensensmokkel.
Pa loke ta e chofer, tin e sospecho fuerte cu el a haci su mes culpable hunto cu Croes di soborno (pasivo) y labamento di placa. Ambos sospechoso a wordo hiba back KIA. Nan ta ainda den beperking, loke kier meen cu nan no mag di tin contacto cu ningun hende, otro cu nan abogado.
E investigacion lo sigui
E ekipo investigativo lo scucha mas testigo y sospechoso den e simannan nos dilanti. Un prome tratamiento (pro forma) den e investigacion lo tuma lugar na inicio di december 2017, segun expectativa.