Home Uncategorized MEP: ALEX SCHWENGLE MESTER WORDO INVESTIGA

MEP: ALEX SCHWENGLE MESTER WORDO INVESTIGA

SHARE

DEN DEAL CORUPTO DI HOSPITAL!

Hospital-gate ta e prome proyecto cu e gobierno nobo mester investiga, y mester investiga exactamente e papel cu Alex Schwengle y Richard Visser a hunga den e deal corupto aki. Y nos ta yama e deal aki corupto, y no ta pa mas!
Hasta Parlamento a haya holor na corupcion y a exigi un “feitenonderzoek” dos anja pasa, cu nunca mas a bin!
MEP casi 4 anja pasa a pidi un reunion pa trata e tema aki, pero ainda no por haya e reunion manera pidi, pesey mester investiga tambe si Mervin Wyatt-Ras ta hinca den e deal corupto aki. Henter e fraccion di AVP den parlamento ta complice den e corupcion na hospital!

PROYECTO CORUPTO
E proyecto ta hole na corupcion, pa varios motibo. Laga nos limita nos mes na e aspectonan mas serio cu a tuma lugar den e bidding di e proyecto:
(1) A scohe esun cu a ofrece e prijs mas halto, 40 miyon mas halto,
(2) A scohe esun cu a claim pa cobra 5% ‘meerwerk’, siendo cu e otro a duna garantia cu NO tin meerwerk,
(3) A scohe esun cu menos experiencia, y menos capacidad.
(4) Pa colmo tur esaki SIN inclui e kambernan di operacion.
(5) Y sin cu ta bin MAS cama aserca; es mas awor nan kier hasta pone 30 cama MENOS!
Tur esaki ta hustifica e sentimento serca cada cuidadano cu aki tin un deal hopi corupto.
E proyecto di expansion di hospital ta costa mas hopi cu full e hospita nobo na Curacao!

Nos a compronde tambe cu coordinadornan di prome minister a pidi un comision basta grandi den e proyecto. Nos a compronde cu hendenan a cambia nan scoring despues bou di presion. Nos a mira cu a duna e proyecto na esun cu a bid mas halto, esun cu a cobra meerwerk y esun cu menos experiencia. Acaso ta pasobra e compania aki ta un compania amigo di e gobierno aki?

Esaki ta un locura total. No tin logica. Y pesey pueblo ta exigi un investigacion. Y Alex Schwengle ta e actor principal den e deal corupto aki, y mester wordo investiga.
En bista cu e “busje” ta pasando piki hendenan tur rond di e ministernan, ta di spera cu pronto Alex Schwengle tambe wordo investiga pa corupcion!