Tres mucha muher chikito di 9,6 y 3 aña seriamente herida den un accident na Moko

 

 

 

 

 

Moko: Diadomingo algo pasa di 11’or di mainta Polis ta haya un informacion cu tin un accident cu serio riba e caminda di Moko, pazuid di Mi Dudu Bar Restaurant, mesora a manda varios unidad di polis, ambulance y materiaalwagen di brandweer na e sitio.

 

E accident tabata entre un Pickup preto maneha pa un cabayero di edad y un Nissan preto maneha pa un dama, den e Nissan tabata tin tres mucha muher chikito di 9,6 y 3 aña. E impacto tabata banda patras di e Nissan y net caminda e muchanan tabata sinta, un di e mucha a wordo saca facilmente pero e otro dos nan mester a warda materialwagen di brandweer corta e auto pa por a saca nan.

E muchananan a keda seriamente herida y cu hopi urgencia a wordo transporta pa hospital, Polis motorisa a bay nan dilanti pa habri caminda y hopi liher nan a yega hospital.

 

E chauffeur di e pickup preto tambe tabata herida y tabata pega den e auto, cu yudansa di personal di brandweer a logra habri e porta di auto pa por a saca e chauffeur, kende ta un meneer grandi, e tambe a wordo transporta cu urgencia pa hospital.

 

Departamento di trafico y departamento technico di polis tabata na e sitio pa haci mas investigacion con exactamente e accident aki por a tuma lugar.

 

Awe mas o menos 11.10 melding a drenta via CP cu tin accident cu heridos net pazuid di Mi Dudu Bar Restaurant. Ora e prome patrouille a jega na e sitio por a constata cu tin 3 mucha pega den auto y e chofer di e pickup tambe herida. Cu materiaalwagen a logra saka e 3 muchanan for di den auto y a wordo transporta cu maximo urgencia pa hospitaal. Departamento di tráfico y Departamento Forensico di Cuerpo Policial ta hasiendo e investigashon necesario na e sitio. 

 

UPDATE ricibi di vocero di polis: 

E muchanan ta di e edadnan 9, 6 y 3 aña. Dos di nan, nan situashon ta critico. E di 3 nan ta bezig hasiendo e testnan ainda.

 

E chofer di e pickup a kibra su pia y te ainda hasiendo e testnan necesario.