Home Uncategorized NO tabata un atraco, si no un kiebro y ladronicia na Solé,...

NO tabata un atraco, si no un kiebro y ladronicia na Solé, den centro di cuidad

SHARE

Oranjestad, Diamars mainta tempran polis nan ta bay na e negoshi di bril Solé, pa un caso cu na prome instante a wordo categorisa como un atraco, esaki lo tabata atraco #61, pero despues mas laat den oranan di mainta, vocero di polis a manda un update bisando cu no ta trata di un atraco, pero cu ta e security guard a haci un denuncia falso pa asina purba scapa su trabou.

Aparentemente den oranan trempan di mainta, e security no tabata na su post, cuidando dilanti di e negoshi y antesocialnan a probecha e momento aki pa kibra y drenta horta den e negoshi di bril Solé, nan a logra bay cu un cantidad grandi di brilnan, e brilnan den e negoshi aki sigur ta brilnan hopi caro.

Ora e security a bay bek dilanti di e negoshi ela ripara cu nan a  kibra y drenta horta den e negoshi di bril Y pa e purba na scapa su trabou como security guard, ela inventa un storia cu no ta cuadra cu e berdad. 

Arubanative.com tin den su data base registra, for di Januari pa awo, 60 atraco  tur a wordo cubri riba e website arubanative.com.  

Kiebro cu ladronicia ta algo cotidiano y ta dificil pa registranan, pero atraco ta hopi menos cu ladronicia y semper encuando prensa ta haya informacion confirmando si e ta un atraco of  no, of si ta trata di un otro crimen. E informacion corecto aki ta wordo suminstra pa vocero di polis y ora no ta trata di un atraco, mesora e articulo ta wordo cambia y mane nan manda un update, e ta wordo publica.

Si otro medianan por tin un otro conteo, esey ta keda na nan con nan ta  registra y cuanto atraco arma nan a cubri personalmente. Tur atraco arma cu arubanative.com a registra, ta wordo cubri cu imagennan na e sitio, como prueba.