Home Uncategorized Hopi atencion y participacion na “Poetry is an Island”

Hopi atencion y participacion na “Poetry is an Island”

SHARE

ORANJESTAD – Diadomingo tabatin e evento di “Poetry is an Island” y Aruba Bank a contribui na esaki. E evento aki tabata un dedicacion na 10 aña di nochi di poesia. E evento tabata uno hopi bunita y hopi bon bishita.

Desde 4’or di atardi porta a habri na Flor di Oriente y tur hende a disfruta di e diferente actividad cu tabatin pa cu e festival di poesia cu a bay te den oranan di anochi laat. Diferente banda local tabata presente pa asina deleita tur presente y no por a laga afo steelpan. Poesia ta pa tur hende, p’esey tabatin muchanan presente kendenan tambe a disfruta di esaki.

Pe muchanan tabatin lesamento di poesia, kendenan a gusta esaki. Presente tabatin diferente tipo di poeta, manera Street Poets, Stage Poets, tambe tabatin “open mic” pa esunnan cu tabata desea di declama un poesia na e momento ey.

Pa clausura e anochi aki, pa prome biaha tabatin presente e artista internacional di poesia, Alysia Harris, kende a deleita tur hende cu su bunita palabranan.

Aruba Bank ta contento di a sostene poetanan local, pero tambe Basha Foundation pe bunita evento aki.