Home Uncategorized Julie de Cuba-Geerman, Partido ReD Democratico: Partido ReD Democratico ta sostene pensionadonan...

Julie de Cuba-Geerman, Partido ReD Democratico: Partido ReD Democratico ta sostene pensionadonan (1)

SHARE

 

AOV – ALGEMENE OUDERSDOMS VERZEKERING

Hopi a ser scirbi den prensa over di e pension di behez durante añanan largo. Y cada bes ta keda ripiti e mesun preocupacionnan. Kico esey ta indica? Simpelmente cu gobiernonan niun tabata tin horea ni atencion pa pensionadonan. Si lo cual mi bai scirbi ta zona conoci ta pasobra pensionadonan a keda un grupo lubida.

Ta danki na pensionadonan (mama y tata) cu jiunan cu ta keda sin trabow y entrada por sobrevivi hunto cu nan jiunan. Danki na pensionadonan (mama y tata) cu famianan por logra come di un salario minimo, pasobra nan ta busca nietonan na scol y ta cuidanan y ta spaar asina un monton di placa cu lo a bai pa paga creche y speelschool.

 

Na inicio di historia di AOV tabatin un grupo grandi di persona trahando y un grupo limita di persona cobrando pension. E situacion tabata asina cu pa famia tabata tin un averahe di 5.3 yiu. Mientras cu awendia e ta 1.7. E tempo ey tabata tin 8 trahador pa sostene un pensionado. Un cambio drastico a tuma luga den un periodo sumamente rapido di mas o menos 16 aña caminda e famia cu antes tabata consisti di entre 8 pa 12 jui a bira mas chiquito cu e consecuencia cu e cantidad di futuro contribuyentenan na e fondo, a bira mucho menos. Di otro banda e cantidad di pensionadonan a subi y ta biba mas largo. Locual a trece cu e fondo a sali fei balance. Riba dje a redobla e suma di pension y a baha e edad di pension fei 62 pa 60 aña.

Gobierno a hay’e ta bai over na restructura e fondo, a hisa edad di pension na 65 aña y a aumenta e prima. Fine, un caminda mester a cuminsa pa rescata e fondo, pero esaki no kier meen cu tur cos ta bon y na ordo pa e pensionado. Al contario.

Den e situacion actual Aruba tin rond di 17 mil pensionado. Segun projeccionnan, si nada no wordo haci, por mira cu pa aña 2030 Aruba lo tin rond di 36 mil pensionado y e cantidad di trahado no ta ni dobel di e cifra ey.

Si antes bo tabatin 8 hende ta genera placa pa sostene un pensionado, awor aki 3 hende ta genera placa pa sostene un pensionado y e ta birando 2 trahador pa un pensionado. Esaki ta nifica cu no por sigui distribui e placa manera awor aki. Sea bo ta duna e hendenan menos, locual socialmente no ta aceptabel, of mester percura pa e fondo keda sostenibel.

Partido ReD ta propone pa introduci un edad di pension flexibel mara na e tipo di trabao cu e trahador ta eherce. Mester bin un estudio a fondo pa mira con ta maneha e premie. Kizas e premie lo mester subi un poco pa cubri e pension di esnan cu ta bai baha mas trempan. Den tur caso e trahador mester ta na haltura di cua ta e impacto p’e den futuro. Tambe ta necesario pa tin un cantidad suficiente di trahador pa sostene cada pensionado.

ReD ta propone tambe pa no cobra belasting riba AOV. Dus aunke e pensionado tin entrada extra por ehempel di huur of un pension di ambtenaar aserca, lo mester stop di pone e AOV aserca como entrada y cobra belasting. Riba e parti aki ya a paga belasting den pasado. Nunca esaki a wordo regla pa e pensionado. Gobierno sa cu ta asina so ta hisa e poder di compra di e pensionado pasobra e suma di pension no ta wordo geindexeerd. 

Den Parlamento Gobierno mes a trece padilanti cu pensionadonan den ultimo añanan a bai atras cu 248 florin pa luna.

ReD lo kier haci uso tambe di e experticio y experencia di pensionadonan pa yuda den p.e. e control di prijs den supermercado y tiendanan a cambio di un compensacion di su gastonan. Partido ReD ta sigui sostene pensionadonan.