Home Uncategorized Minister di Enseñansa Michelle Hooyboer-Winklaar impresiona cu e scol temporal Team di...

Minister di Enseñansa Michelle Hooyboer-Winklaar impresiona cu e scol temporal Team di Juliana MAVO ta un ehempel di dedicacion den Enseñansa

SHARE

 

Un aña despues di a muda for di Playa

 

 

 

ORANJESTAD, Aruba: Scol secundario Juliana ta ubica na un edificio temporal y nan a ricibi bishita di Minister di Enseñansa, Michelle Hooyboer-Winklaar. E scol original na playa ta un di e scolnan di mas bieu na Aruba. Pa varios motibonan di infrastructura y debi na e edad di e edificio e scol ta den necesidad di un renobacion completo.

 

Esaki a pone cu a dicidi 1 aña pasa pa muda e scol na e edificio temporal, wardando pa fondonan pa por renoba e scol. Na e momento ey a bisa cu nan no por keda unda nan tabata en espera di esey. Minister Michelle Hooyboer-Winklaar a duna di conoce cu a busca e espacio y esaki tabata disponibel.

 

Den 1 aña di tempo, nan a sa di crea un scol den tur sentido. Por a mira localnan completamente drecha y cu ta acomoda studiantenan den tur diferente vaknan di scol secundario. Minister Michelle Hooyboer-Winklaar a keda impresiona cu loke a keda haci.

 

“Mi meta awe tabata pa mira e progreso y pa haya mas informacion di con ta bayendo y si tin cualkier otro necesidad pa e Scol”, asina Minister Michelle Hooyboer-Winklaar a splica.

 

Ministerio di Enseñansa sa cu den pasado Julianaschool a sa di duna hopi bon resultado. “Nos a mira resultadonan den ultimo aña escolar nan a score hopi bon den e porcentahe di graduadonan”. Esaki ta demostra un biaha mas cu no ta importa unda e scolnan ta situa, si tin un team, un lider, den caso aki Paula Croes, nan dedicacion ta un ehempel mas di e dedicacion na studiantenan y Enseñansa. Hunto cu su team di docentenan, pasobra nan ta asina dedica y a sa di saca lo maximo di cada studiante. Esey ta loke por a mira den e resultado di scol.