Oranjestad – Aruba: Tempo Aruba, e manpower organisacion mas flexibel, ta habri un di 2 oficina na San Nicolas diabierna, 25 di augustus 2017. E oficina nobo aki ta yuda Tempo Aruba pa asisti cu personanan cu ta busca trabou pa parti pariba di brug na San Nicolas, y tambe pa crea crecemento den servicio nan di manpower pa negoshinan cu ta expande na e otro parti di e isla. San Nicolas lo continua pa crece y desaroya, y Tempo Aruba lo ta parti di e proceso positivo aki.
Tempo porta a un bon comienso pa hopi hende. Hopi profesional nan hoben ta sobresali den nan posicion nan y logra hopi di nan meta, cual hopi biaha ta caba cu un contract cera. Esaki por wordo alcansa solamente cu gran esfuerso y compromiso. Y na Tempo nan ta haci un esfuerso grandi y compromiso na e personanan y partnernan di negoshi di San Nicolas. Tempo lo continua na duna un servicio excepcional y lo traha na construi relacionnan a largo plaso.
Pa e ultimo 25 añanan Tempo a yuda mas di 10 mil hende pa haya un trabou. Aparte di tur loke cu nan a haci, Tempo a duna apoyo y conseho pa con ta exitoso den bida. Hopi di nan a haya trabou permanente den companianan grandi y chikito. Banda di esaki Tempo a duna training den diferente area manera customer service, con pa aplica pa un trabou y con pa skirbi un CV perfecto y tambe training di computer. Tempo tambe a organisa hopi feria di trabou pa ofrece na e comunidad e oportunidad pa por haya un trabou na unda cu nan porta a sumamente feliz y contento.
Un otro transformacion cu Tempo a someti ta un new look y “huisstijl”. Tempo tin un logo nobo, colornan nobo , un strategia di media social y pronto lo wordo lansa e website nobo. E apariencia nobo aki ta duna Tempo un posicion nobo y fresco.
Tempo Aruba tambe lo bay celebra su di 25 aniversario di manpower services mas flexibel na Aruba na 2018. Nan lo ta organisando varios eventonan y campaña di mercadeo pa otro aña cu ta dedica na e aniversario aki.
Pa mas informacion over di e di Segundo oficina lo por yama na 582-7121, of por manda un e-mail na [email protected] of bishita nos Facebook page Tempo Aruba.