Home » Eman: Mi lo sigui entrega mi mes pa cada ciudadano logra su maximo potencial

Eman: Mi lo sigui entrega mi mes pa cada ciudadano logra su maximo potencial

by sxm
0 comment 52 views

Cambionan cu Gabinete Mike Eman II a haci ta fundamental pa Aruba y mester sigui

ORANJESTAD – E ultimo debate di Camara di Comercio a caracterisa su mes pa diferente motibo. Un di nan  positivo, ta cu e unico lider cu a sobresali ta e lider di e partido berde Mike Eman. Cu caracteristica di un estadista, Mike Eman a mustra riba loke su partido a haci den Gobierno, na bienestar di henter e pueblo cual ta un trabou cu mester sigui cun’e: Aruba Padilanti mester wordo realisa, el a bisa na final di e debate.

Manera tur hende sa, e debate di Camara di Comercio a wordo organisa den cuadro di e eleccion Parlamentario di dia 22 di September awor. Despues di no solamente mustra kico a wordo haci e ultimo 8 añanan y kico tin pa e pueblo den e siguiente 4 añanan, no por bisa otro cu AVP ta e partido cu a sobresali den e debate. “Destino di nos pais ta bay wordo determina dia 22 di September atrobe,” lider Mike Eman a bisa. Pesey ta importante y escencial pa Aruba cu e cambionan cu a experencia caba por sigui cu nan. Asina el a menciona e renobacion y inovacionnan cu por a mira na Aruba. Por ehempel, e atencion pa esnan di menos recurso, e cambionan cu a haci cu awe plafon no ta cay riba studiantenan mas, cambionan cu a haci cu esnan cu no tabatin oportunidad, awe tin esaki; descriminacion cu tabatin pa esnan cu no a nace aki pero a bin ki pa traha riba nan porvenir, ta cambionan fundamental cu hunto nos a introduci durante e ultimo 8 añanan,” Eman a bisa e publico na final di e debate.

Pa tur e cambionan cu a wordo haci, Eman a bisa, mester sigura cu nan ta sigui y cu e ekipo nobo y e plan di AVP (Aruba Padilanti)  lo t’ey pa realisa esaki.

Tambe Mike Eman a papia di unda su inspiracion a bini pa traha pa e pueblo di Aruba. “Mi a wordo inspira di hoben door di mi tata y welonan cu a sacrifica pa e pais aki. Mi a pone mi mes disponibel tambe pa sacrifica pa mi pais, pa pueblo y e pais tin un miho porvenir y pa cada un riba Aruba por alcansa su maximo potencial. Y lo mi sigui entrega pa haci esaki.”

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio