Specialmente pa e di 5 edicion di Electric Festival Aruba Albatros Airlines ta confirma su ruta nobo Caracas – Aruba – Caracas di 30 di Augosto pa 5 di September.
Electric Festival un festival International di musica Electronica cu a cuminsa na aña 2013, cu a sa di posishona su mes como un di e miho Festival di musica Electronico den Caribe. Pa varios aña consecutivo a sa di trese varios artista nan reconosi mundialmente pa Aruba manera Lil John, Slash, Loco Dice, Knife Party, Carnage, Dj Chuckie, Boris, Hector, Nervo, AfroJack, Eric Morillo, PacoSuna, Party Squad, Mara, DjKK, Mastiksoul, Conor Cruise, Mitchel Niemeyer, Hardwell, Nero, Baggi Begovic, Riot Gear, Nicole Moudaber, Patrick M, CocoDrills, ALX, Caleb Calloway, Endo, Diego Teran, Hanie, Lou Flores, DeOrro, Neverdogs, Sky Blue y hopi mas.
Oraganisashon di Electric Festival encabesa pa Karim Neme a sa di hasi un bishita na Albatros Airlines cu e petishon pa expande nan ruta pa Aruba debi cu vuelo nan tbt full riba e ruta di Caracas – Aruba. E gerencia di Albatros Airlines a tuma e petishon cu brasa habri I a cuminsa tramita tur permiso necesario pa por realisa e vuelo nan aki pa Aruba desde Caracas.
Dialuna 21 di Augosto 2017 gerencia di Albatros Airlines ta confirma cu nan a ricibi tur necesario permiso cu nan mester I ta kla pa realisa e vuelo nan desde Caracas pa Aruba durante e fechanan ariba menshona. Esaki ta hopi importante pa Aruba y Electric Festival ya cu ta hasi cu mas persona lo por biaha pa disfruta di loke ta bira un biaha mas e Festival Electronico mas importante di Caribe y region.
Representante di Albatros Airlines a expresa na nos cu “ Nos ta sumamente contento di por ejecuta e ruta nobo aki ya cu tin hopi interes pa bishita Aruba y experencia Electric Festival Aruba 2017. “