Home » Muchanan a disfruta di un dushi dia hunto cu Rotaract Club of Aruba durante e proyecto anual di ‘Back to School’

Muchanan a disfruta di un dushi dia hunto cu Rotaract Club of Aruba durante e proyecto anual di ‘Back to School’

by sxm
0 comment 68 views

Oranjestad- Rotaract Club of Aruba ta organisando su proyecto anual di ‘Back to School’ desde e inicio di e club na 1991. Tur aña miembro y boluntarionan di Rotaract ta colecta articulonan di scol durante un periodo di paar di weekend. Tur articulo colecta ta wordo parti na varios muchanan di famia cu menos recurso pa asina percura cu nan tambe ta cuminsa un aña escolar bon prepara.  Durante e mainta di 12 di augustus, miembro y boluntarionan a pasa busca 39 mucha den diferente districto pa asina pasa un mainta placentero na Neptali Park y unda nan a ricibi nan tas di scol yena cu tur loke nan lo mester.

 

E proyecto ta enfoca pa ofrece e muchanan un dia educativo pero tambe recreativo hunto cu  miembro y boluntarionan di Rotaract. E aña aki a tene un actividad di obra di man cu ta enfoca riba “recycling.” Bou guia di artista local Romelinda Maldonado, e muchanan entre 4 y 12 aña di edad por a traha un ‘wind chime’, ‘bird feeder’ of pochi mata for di materialnan recycla. Alabes, e muchanan tabata por a hunga y pasa un mainta ameno den Dino Jump. Y sigur no por lubida e gran ‘Dance-off’ cu tabata tin!

 

Un parti grandi di e proyecto aki ta e gran trabou di e miembro y boluntarionan cu a colecta y prepara mas e 46 tasnan pa e muchanan. Cada mucha presente a ricibi un tas yena cu articulonan pa scol y tambe short, uniform y keds pa nan cuminsa nan aña escolar exitoso. 

 

Adicionalmente, cu e donacion ricibi di e clientenan di Dyon Center y nos sponsors, Rotaract a logra traha 54 pakete extra cu a wordo reparti bou di otro muchanan den necesidad. Den e tasnan aki tambe tin articulonan di scol pa asegura un bon comienso di e aña escolar.

 

Rotaract Club of Aruba kier gradici tur miembro, boluntario y sponsor cu a aporta na e proyecto aki. Un danki ta bay na tur cliente di Dyon Center cu a yuda aporta e proyecto aki. No por lubida pa gradici Compra N.V. cu a yuda nos cu nan famoso weganan y Dino Jump. Rotaract Club of Aruba kier gradici Kiwanis Aruba pa e gran coperacion ricibi y facilidad cu nan a pone disponibel pa nos e dia aki. Un danki tambe na Jack’s Cafe cu a prepara un dushi desayuno pa e muchanan e mainta aki y tambe na Dominos cu a sponsor e lunch. Nos kier a gradici Zyon cu a bini y duna un presentacion pa e muchanan cu a disfruta di esaki y canta hunto cune. Alaves un danki na MIGÉ Music Entertainment cu a provide entertainment y sound pa e evento.

 

Un danki special na Rotary Club of Aruba; Compra; Disney Recreation; Domino’s; Dyon Center; Fantastic Gardens; Guardian Group; Jolley Holding (De Wit/ Van Dorp); Manrique Capriles; My Computer; Neptali Park; PwC Aruba; Romar Trading; y Superfood pa nan contribucion y ayudo pa hasi e proyecto aki un bes mas un exito!

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio