88
Shaba: Diahuebs pa mas o menos 4’or y 45 di marduga ta yega na Warda di polis na Shaba un persona kende ta splica polis cu su ruman homber chikito di 17 aña a bira hopi agresivo.
Ela splica polis cu su ruman a maltrata su wela y ela morde su otro ruman na su brasa robes. Tambe ela bisa polis cu su ruman lo ta bou influencia di un of otro droga. E ruman tabata den auto dilanti warda di polis, polis nan a bay na e auto y a trata di acerk’e y purba papia cune, pero sin resultado positivo.
E agentenan a bay mira e situacion di e wela, nan a nota cu e tabata tin varios bolobonchi na su frenta y algun raska na su rudia drechi. E wela no kier a entrega keho contra su nieto.
Pero autoridad a dicidi di detene e menor di edad aki pa maltrato severo cu herida..
E caso aki a wordo poni den man di departamento di Jeugd en Zeden Politie pa mas investigacion.