Home Uncategorized Lider Partido POR Otmar Oduber: POR lo enfoca na crea un fundeshi...

Lider Partido POR Otmar Oduber: POR lo enfoca na crea un fundeshi fuerte cu por construi riba dje cu comunidad di Aruba ta central

SHARE

E siman akia a habri cu hopi energia despues di e ultimo dos simannan hopi druk cu e procesonan pa eleccion 22 di september.  Aworaki ta den e proceso introduci e programa di partido Pueblo Orguyoso y Respeta (POR) na pueblo ‘Vision 17-21 Hunto Nos Por’, cual desde cu a presenta esaki na prensa siman pasa a haya bon reaccion y comentario. Ta gradici tur esnan cu a forma parti di e proceso aki cu a dura hopi luna unda cu a busca opinion di comunidad pa finalmente a presenta un plan cu ta bin di comunidad y pa comunidad.

E liña cora den e programa aki, banda di tur e  topiconan cu ta wordo atendi cu nan ta e hecho cu ta pone atencion na e fundeshi di nos comunidad. Nos fundeshi actualmente ta debil y pues lo enfoca na crea un fundeshi fuerte cu por construi riba dje caminda cu e comunidad di Aruba ta central den e programa. Tambe crea confiansa bek cu un hende por sinti nan mes liber y sigur riba Aruba, percura pa mehoracion di cuido medico y reduci tempo di espera pa acceso medico di calidad. Sr. Oduebr a sigui splica cu den e programa aki ta pone atencion tambe na nos pensionadonan y lo bay percura cu edad di pensioen ta flexibel na edad di 60 aña  y cu esnan cu ta cobra pensioen caba por biba na un manera mas digno. Lo percura cu e pago di belasting y AZV cu ta wordo paga ta uno hopi mas husto cu unicamente duna un aumento di 1 of 2%. Si wak e costo di bida y e velosidad riba cual esaki ta crece, no ta duna e bida digno na nos pensionadonan y tampoco na esnan cu ta cobra un salario minimo of di clase media akinan na Aruba. Pesey e ‘liña cora’ cu ta menciona ta un liña di revolucion economico.

Pa loke ta e problemanan financiero grandi cu nos tin na e momentonan aki cu no ta wordo discuti riba dje y ainda no tin indicasion di presupuesto di Aruba lo yega parlamento prome cu 1 september. Pa motibo cu si esaki tuma luga e ora lo tin un debate al caso riba e realidad di e situacion fianciero di Pais Aruba, sr. Oduber a enfatisa.

 

POR tin e solucion pa e revolucion economico. POR lo crea un reforma fiscal di belasting directo pa indirecto. Percura cu por medio di e revolucion fiscal  e salario minimo por wordo aumenta cu minimo 10% pa pocopoco cera e ‘gap’ cu tin actualmente entre salario minimo y ‘ bestaansminimum’ na Aruba. Cu ta haci e bida digno uno casi imposibel.