Auto no ta respeta ciclista cu tabata tin preferencia, cu consecuencia cu e ciclista ta dal contra e auto y ta keda herida

Eagle Beach: Diasabra den oranan tempran di mainta ta sosode un accidente cu un hende herida na altura di e cruzada panort di Amsterdam ‎Manor Beach Resort.

 

Mesora ta manda polis y ambulance na e sitio, na yegada nan ta bin compronde cu e chauffeur di un Nissan March, ta sali dilanti di e ciclista sin respeta cu e ciclista tabata tin preferencia, cu consecuencia cu  e ciclista no por a haci nada mas pa evita un impacto, e impacto tabata fuerte pero e ciclista tabata bon protehi cu un helm y a sa di bula for di e bais na tempo y asina evita lo peor.

 

E ciclista a keda herida cu varios rasca na su curpa, pero asina mes despues cu personal di ambulance a trat’e na e sitio a dicidi di transport’e pa hospital pa observacion.