Home Uncategorized Chauffeur bou influencia ta causa accidente na Cashero, ela keda deteni

Chauffeur bou influencia ta causa accidente na Cashero, ela keda deteni

SHARE

Cashero – Diadomingo marduga den careda di 2’or polis ta bay Cashero, pa un auto cu a bolter.
Na yegada di polis nan ta topa un Suv aparentemente un Toyota ariba su banda y schuin poco mas panort un otro Suv marca Ford, cu hopi daño material na dje.

Na e sitio polisnan ta reconoce e chauffeur di e auto ariba su banda, mirando cu un dia prome nan a hala su atencion. E biaha aki, e lo tawata bou influencia y coriendo auto duro den e bocht, ta dal semi frontal contra e Ford pa despues bolter keda ariba su banda.

Polis a detene, mirando cu e lo ta bou di influencia y lo a bay warda cune pa haci test.
Ambos auto a sufri hopi daño.

Ambulance a ser pidi pa controla un di e ocupantenan, cu tawata sinti poco dolor.