Home Uncategorized Candidatonan di POR a haya nan number riba lista

Candidatonan di POR a haya nan number riba lista

SHARE

Diahuebs anochi candidatonan di Pueblo Orguyoso y Respeta (POR) a reuni na Centro di POR na Pavia pa asina ricibi nan number riba lista di partido. Manera a indica na diferente ocasion, E Forsa Nobo, e number no ta determina e posicion di e candidato a base di su number, sino e cantidad di voto cu e candidato ricibi.

Diahuebs anochi a tuma luga e Conseho di Partido unda cu cada candidato a afirma nan number pa e lista oficial di partido Pueblo Orguyoso y Respeta cu a wordo entrega diabierna. E proceso di trahamento di lista di POR no a bin ta tuma luga den e siman aki. Segun lider di POR Otmar Oduber ta splica e lista a wordo forma basa riba e contenido di Plan di Accion cu ta encera preocupacionnan di comunidad. Pues un pa un a keda busca candidatonan pa uni na e famia di POR, cual a keda wordo lansa tambe durante diferente conferencia di prensa di POR. E lista di POR ta refleha e profesionalnan cu lo traha riba e diferente puntonan di atencion cu a wordo treci dilanti door di pueblo, cual ta locual cu POR lo enfoca riba dje tambe den e proximo gobernacion.

E entregamento di number a bay den bon ambiente y cada candidato a firma prome cu a ricibi nan number tambe, e protocol cu ta indica cu esun cu ricibi mas voto realmente lo ta representante di pueblo.