Home » MEP: Lista di MEP realmente e unico alternativa pa eleccion 2017

MEP: Lista di MEP realmente e unico alternativa pa eleccion 2017

by sxm
0 comment 70 views

Diabierna ultimo, dia 4 di augustus, MEP a presenta un lista sumamente interesante. Un lista di caranan conoci y cu experencia den politica conbina cu caranan nobo den politica pero no desconoci den nos comunidad. Personanan prepara y determina pa logra e cambio den nos pais.

 

Cu e lista aki, lider di MEP, sra Evelyn Wever-Croes a demostra di tin vision real pa MEP no solamente den e eleccion aki sino tambe pa e siguiente generacionnan integrando varios personanan hoben, profesionalnan jong y personanan bon prepara den nan area di experticio cu kier logra e cambio pa Aruba.

 

Por a nota cu e trahamento di lista a bay sin incidente y den un forma trankil cu ta demostra e union grandi cu tin den partido. Na mas di un ocacion lider di MEP a gradici e candidatonan pa e espacio cu nan a brind’e pa e por a forma e lista aki den tur trankilidad y tempo.

 

Tambe sra Evelyn Wever-Croes a expresa un danki special na dr. Gerrit Croes. Dr Gerrit Croes ta presidente di partido MEP y a figura riba e lista di MEP na aña 2009 y 2013. Sin embargo, mirando e interes grandi cu tawatin e biaha aki pa candidatonan subi riba lista di MEP, y mirando e lista di espera grandi di candidatonan cu hopi potencial pa subi e lista ainda, lider di MEP a acerca dr. Gerrit Croes y a pidi’e pa cede su puesto pa asina por a cera e lista.

Dr. Gerrit Croes a demostra cu realmente e ta un persona cu ta pone den practica locual ta e filosofia di partido, esta e solidarismo. Y a pone e amor cu e tin pa partido MEP y especialmente e amor cu e tin pa Aruba na prome luga, dunando e ehempel den politica cu bo no mester lucha pa bo probecho personal pero semper pone e interes di partido y especialmente e interes di Aruba na prome luga.

 

Lider di MEP a presenta e lista ganado desde diahuebs anochi na CEDE di MEP den un reunion extra oridinario di partij raad cu a wordo transmiti via facebook di MEP. Un animo, union y alegria cu tawata biba den e candidatonan y simpatisantenan presente na momento cu cada candidato a wordo anuncia.

 

No tin duda cu e lista di MEP ta e lista mas comenta na Aruba prome, durante e despues di a wordo entrega. Nos lista ta e unico alternativa pa eleccion 2017. Pabien MEP y pabien lider di MEP cu e tremendo lista.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio