Home Uncategorized Zero-Tolerance y Lik-op-Stuk riba Diabierna durante entrego di lista

Zero-Tolerance y Lik-op-Stuk riba Diabierna durante entrego di lista

SHARE

Ministerio Publico y Cuerpo Policial di Aruba ta informa cu Polis lo hiba un maneho di Zero-Tolerancia riba Diabierna ora di entrega di e lista di candidatonan di e partidonan politico na Stadhuis na Oranjestad. Polis lo actua na un manera dicidido pa garantiza seguridad riba caya. Ministerio Publico lo sostene e Zero-Tolerancia di Polis cu nos maneho di Faya-Bo-Haya.

 

E maneho Faya-Bo-Haya ta encera cu Ministerio Publico lo ofrece un boet na personanan cu keda deteni relaciona cu delitonan relativamente simpel manera violencia leve, destruccionnan, buracheria y otro comportamientonan inacceptable. Si hende dicidi pa paga mes ora, anto e caso ta cla. Si un hende dicidi pa no paga, anto e lo wordo persigui. E exigencia den Corte ta cay semper bastante mas halto cu e boet na Warda di Polis, y pesey ta recommendable pa paga na Warda di Polis mes.

 

Ministerio Publico ta haci un yamada urgente na publico pa paga tino cu bebemento di alcohol. Mal comportamiento lo no wordo tolera. Polis lo actua strictamente contra esnan cu comporta robez.