Home » Un biaha mas participacion tabata grandi MetaFit Walk & Run 2017 tabata exitoso

Un biaha mas participacion tabata grandi MetaFit Walk & Run 2017 tabata exitoso

by sxm
0 comment 70 views

ORANJESTAD, Aruba: MetaCorp su programa di MetaFit a clausura unda cu pa 7 siman largo nan a tene caminata na diferente caminda pa empleadonan. E programa a inicia dia 17 di Mei y e programa a bay bon. E empleadonan di MetaCorp semper ta cuminsa cu entusiasmo y poco, poco nan ta cuminsa mehora nan tempo den nan condicion fisico, MetaFit Commitee Javier Lampe a expresa. Despues di e MetaFit Walk & Run, MetaFit Committee a tene un evento di “Award Night”, unda cu a premia tur empleado cu a sobre sali durante e Caminatanan.

 

E aña aki e MetaFit Walk & Run ta e di 7 edicion, pero MetaCorp pa basta aña ta organisando actividadnan pe empleadonan cu ta deporte of actividadnan di movecion. Algun aña atras MetaCorp tabatin e programa di 6 kamp, pero awo nan ta haciendo e caminata di MetaFit. E participantenan a completa e 15 KM cu nan a pone como meta. Aunke cu awa a cay durante e evento final, e participantenan a core y cana y tabata satisfecho cu e resultadonan. E grupo di empleadonan semper ta participa den e evento, unda cu algun empleado ta busca pa drecha nan tempo mientras tin esnan cu ta haci un combinacion pa baha peso y na mes momento ta haci otro actividad fisico.

 

Despues di e eventonan participantenan tabata bay y no por a entrega e premionan. Esaki a haci no tabata facil pa entrega e premionan, pasobra hopi ta bay trempan. A organisa e “Award Night” unda cu a celebra hunto cu e empleadonan. Na e evento final MetaFit a saca e top 5 ganado den e canamento y coremento di 15 KM di e categorianan dama y cabayero. Tambe a duna medaya na e empleadonan cu a cana e 7 siman, unda cu a conta tur kilometrahe durante e caminatanan y asina a duna esnan cu a cana mas cu 75 KM a ricibi un medaya graba cu nan nomber y e cantidad di kilometer cu el a cana. Den e grupo aki tin 11 empleado y 3 bishitante cu a participa den tur 13 caminata, di cual a suma un total di 111 KM. E boluntarionan cu a yuda un biaha mas na e eventonan tambe a ricibi un medaya.

 

Empleadonan a gradici gerente general Eddie de Veer pa a sostene cu e evento ta bira posibel tur aña. E participantenan a disfruta di e evento y tabata desea pa nan por a sigui haci e caminata pa mas largo. E mensahe na e empleadonan ta pa siguiente aña pa nan pone un plan pa nan mes, un meta. Javier Lampe a curasha nan pa participa den e evento di canamento pero tambe pa participa den otro actividadnan manera bowling, bike ride. MetaFit a felicita tur ganado y participante. Diasabra 29 di Juli a tuma luga e prome actividad di bike ride cu lo tuma luga anualmente y lo ta parti di e programa di MetaFit.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio