Home Uncategorized Accidente serio den bocht na Bushiri, chauffeur a keda seriamente herida

Accidente serio den bocht na Bushiri, chauffeur a keda seriamente herida

SHARE

Bushiri – Dialuna anochi den careda di 10’or unidadnan di rescate manera polis, brandweer y ambulance a bay Bushiri.
Prome informacion a bisa cu un accidente serio a sosode den e bocht na Bushiri y cu e auto lo a pega candela. Pero despues a haya informacion cu esey no ta e caso.

Na yegada di e unidadnan, nan ta topa cu un Nissan Teana completamente destrui parti dilanti.
Ta mustra cu e chauffeur pa un of otro motibo a perde control den e bocht y bay dal contra un troncon di un mata di kwihi.

Den e impacto e chauffeur ta haya golpi serio na cabes, caminda cu a pidi ambulance cu urgencia. Cu asistencia di brandweer, personal di ambulance a saca e chauffeur di e auto y transporte cu urgencia pa hospitaal.