Home Uncategorized Amy Richards (MEP): Pakico gobierno ta trata di ignora e nivel di...

Amy Richards (MEP): Pakico gobierno ta trata di ignora e nivel di pobresa na Aruba?

SHARE

Ora cu un persona scoge pa ta un politico, bo ta scoge pa subi un plataforma publico caminda  bo ta haci e compromiso pa representa e pueblo. Pa bo por representa bo comunidad den un forma digno, bo mester por sa con ta bayendo cu bo pueblo. Ora mi scucha algun mandatario papia y declara cu “cos ta bon”, mi ta puntra mi mes, pa ken cos realmente ta bon?

Pobresa serio
Aña pasa, Cruz Cora a informa e comunidad cu e nivel di pobresa na Aruba ta alarmante mirando cu cada dia nan ta ricibi peticion pa pakete di cuminda y tambe paña. Esaki mester tabata un “warning sign” pa asina actua liher pa trata di combati pobresa, mirando cu un instancia di crisis mes ta anuncia cu e nivel ta alarmante. E comunidad mester realisa cu pobresa ta algo serio y por pasa cu cualkier persona. Durante campaña, mi a conoce hopi famia cu ta comparti nan precupacion pa Aruba su situacion financiero, cu ta den un estado critico actualmente. Hopi famia ta biba den pobresa y ta anhela pa un alivio, pa asina por haya e forza pa por mantene nan famia den un ambiente trankilo y felis.

 

Apoyo y sosten
E prome stap pa soluciona un problema, ta pa acepta cu e problema ta existi y como candidato hoben ariba lista di MEP, mi ta cla y dispuesto pa traha duro pa percura pa ningun mucha mester bay scol cu hamber.  Como mama hoben, mi kier apoya y sostene otro mamanan, pa asina nan no mester pasa nan dia ta preocupa si mayan cos lo drecha.
Cu bo sosten, lo mi traha pa brinda oportunidad na personanan pa siña y desaroya nan mes pa asina hunto nos crece y sigui bay padilanti.