Homber brutalmente maltrata den American Bar na San Nicolas

 

San Nicolas: Diasabra algo prome cu 1’or y mey ta presenta na Warda di Polis, un cabayero, cu a declara cu su yiu homber a wordo severamente maltrata door di un persona den American Bar, na San Nicolas.

Segun ela splica polis cu pa mas o menos 5’o y 45 di mainta, su yiu homber D.T. a wordo buska door di su mama despues cu yiu homber a logra yega na cas di un prima.  E yiu homber tabata hopi maltrata y a conta su mayornan cu ela wordo maltrata door di un persona den American Bar y cu e conoce su agresor. Tambe ela splicanan cu e no por a yama polis paso su cellular a keda atras den e establecimento.

 

Ora cu e mama a busca su yiu ela ripara cu e ta basta herida y mesora nan a opta pa hibe Imsan, pero mirando cu su kaak tabata fractura y mester a wordo opera cu urgencia, ela wordo hiba di biaha pa Dr. Horacio Oduber Hospital unda mesora e lo mester a drenta camber di operacion.

 

E polis na warda cu a tuma e declaracion di e mayor di e victima y mesora a tuma contacto cu e recherche cu tin piket. Ela bin na warda di polis y a papia cu e tata di e victima.

 

E caso aki ta den man di recherche pa mas investigacion.