Home » E problema di ilegalnan ta for di control, 50 persona indocumenta haya den un cas

E problema di ilegalnan ta for di control, 50 persona indocumenta haya den un cas

by sxm
0 comment 98 views

Uruguaystraat – Diabierna den oranan di marduga autoridad policial, consistiendo di varios team a tene un razia na un cas den Uruguaystraat y a bin topa cu 50 persona ilegal, tur tabata di nacionalidad Venezolano.

 
Aki ta trata di 6 dama y 44 homber, tur a keda deteni y entrega na Guarda Nos Costa sperando nan deportacion.
 
E problema di personanan cu ta keda ilegal na Aruba, ta for di hopi tempo caba for di control. E sistema di control no ta suficiente severo of adecua, paso ta imposibel cu asina hopi persona por a drenta na Airport y por keda registra na e mesun adres, esaki ta un indicacion fuerte cu no tin un bon control of e hendenan aki no a drenta via airport paso con por ta posibel cu autoridad no ta na altura unda tur e hendenan aki ta kedando. 
 
Rond di Aruba casnan grandi ta wordo geschot y ta pasa huur varios camber, te hasta cuarto y chosa cu ilegalnan mester bin un control riba esaki y tambe cuanto hende ta registra nan estadia na e mesun adres.
 
Un caminda nos control di frontera ta fayando barbaramente, e caso aki sigur no ta e unico, puntra na cuanto cas mas tin e cantidad aki, of mas di personanan ilegal bibando.
 
Esakinan ta e motibonan pakiko, no por rema criminalidad, hendenan local no ta haya trabou etc. etc. Esaki lo caba te ora cu cera e fronteranan hermiticamente y cuminsa debolbe e ilegalnan pa nan pais.
 
Awe a gara 50 den un cas, pero nos por ta casi sigur cu no ta e unicio y cu na un of otro adres tin mes tanto of mas scondi, tambe. E control mester cuminsa bira hopi mas severo, pa por frena ilegalidad, mane e control ta actualmente garanan y mandanan Venezuela bek, ta hiba awa lama, bo saca 50 ta drenta 100 bek na nan lugar.
 
Ban spera cu ken cu sinta den e gobernacion nobo, lo cuminsa ataca e problema hopi liher, pone mas control y cera nos fronteranan hermiticamente, paso Aruba ta un isla chikito, nos ta hopi vunerabel, nos ta biba di turismo, nos ta promoviendo Aruba como un isla sigur y nos no por permiti otro bin danja loke nos a construi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio