Home Uncategorized Vocalista di Linkin Park Chester Bennington ta fayece na edad di 41...

Vocalista di Linkin Park Chester Bennington ta fayece na edad di 41 aña

SHARE

Los Angeles – E vocalista di Linkin Park, Chester Bennington, a muri na edad di 41 aña, asina dokter di polis a laga sa. Dokter forensico di Bennington a bisa cu aparentemente e lo a horca su mes. Su curpa a wordo haya den un cas priva diahuebs mainta pa mas o menos 9’or, ora local.

Tawata conoci cu e cantante tawata sufri di depresion y adiccion. Bennington tawata hopi close cu e vocalista di Soundgarden, Chris Cornell, ken tambe a comete suicidio den luna di Mei 2017. Linkin Park a forma na 1996 y a bende mas di 70 miyon di album den na mundo, tambe nan a haya dos premio grammy.

Mester menciona cu na Aruba tambe e banda Linkin Park ta hopi conoci. Den comienso di añanan 2000, hopi hobennan local cu ta amante di musica Rock y Alternative a sera conoci cu e banda ora cu nan a saca nan famoso cancion titula, ‘In the End’. Masha hopi persona cu tempo di nan hubentud tawata fan di e banda a pone via medionan social mensahe di luto y condolencia pa e artista.