Home Uncategorized Mireille Sint Jago di MEP: Falta lugar na MAVO. Goberna ta premira!

Mireille Sint Jago di MEP: Falta lugar na MAVO. Goberna ta premira!

SHARE

Den e siman aki SKOA a anuncia cu no tin suficiente Mavo scholen pa ubica tur e muchanan e aña aki! Goberna ta premira! Na 2009 MEP a laga un plan pa construi un Mavo/Havo na Noord. Manera nos poblacion ta crece e necesidad pa mas scol tambe ta aumenta. Ora bo baha e subsidio pa Colegio Arubano y hisa e exigencianan pa por drenta Havo despues di klas 6 of despues di Mavo, atrobe e cantidad cu ta logra Mavo ta bira hopi mas. 

 

Pa cuater aña largo nos di MEP ta informa pueblo cu e Gobierno aki ta pone e prioridadnan robes. Awe un biaha mas nos ta wak e resultado di nan maneho. Pakico esaki ta asina di lamenta? Pasobra bo ta hunga cu bida di hende. Un mucha di 12 aña ta un bida precioso, cu su mayornan, famia y nos comunidad ya caba a inverti 12 aña di amor, motivacion, norma y balor den dje. Un studiante di 16 aña cu a logra su Mavo diploma y cu no por bay Havo, tin cu scoge un sector na EPI cu por ta e no ta echt interesa den dje. 

 

Partido MEP en general y mi persona specificamente ta pone educacion di nos muchanan na prome lugar. Nos muchanan ta e fundeshi di nos comunidad. Cualkier pais sa cu bo no por construi un miho futuro riba un fundeshi cu ta zwak. MEP si lo pone prioridad na Enseñansa y na nos muchanan. Pa prepara nan miho pa nos futuro. Ta p’esey e ta importante pa nos tur vota, pa mi esey ta primordial. Informa bo mes y vota consciente! Nos muchanan, cu no por vota, ta depende di nos voto, pa nan haya un miho futuro.