Home » AVP ta informa: Bandera gigantesco berde a cuminsa bula riba Green Square

AVP ta informa: Bandera gigantesco berde a cuminsa bula riba Green Square

by sxm
0 comment 68 views

ORANJESTAD – Lider di Partido AVP Mike Eman tabatin e honor pa e hisa bandera grandi di partido diamars atardi na Green Square hunto cu e candidato di hubentud Marksonn Maduro den presencia di tur e otro candidatonan pa eleccion parlamentario dia 22 di September awor. Mientras cu Robert Maduro tabata canta e cancion “Nos ta AVP cu Orguyo” e bandera grandi tabata bay laira den presencia di un cantidad grandi di simpatisante di e partido berde.

“Cu hisamento di e bandera riba Green Square nos ta dal otro paso mas cerca di inicio di campaña 2017. Manera mi a bisa caba, locual tabatin te awor tabata un “warming up”. Ta awor nos ta bay cuminsa.”

E lider a bisa cu hisamento di e bandera ta establece asina un area hopi importante di e campaña di e partido berde. Ya caba tin un animo hopi grandi cerca e candidatonan, activistana y boluntarionan di partido y candidatonan. A dicidi, e lider a bisa, pa pone hopi energia den e campaña aki pa mustra e pueblo riba e desaroyo grandi positivo cu tabatin e ultimo 8 añanan,, manera bario y scolnan renoba, canchanan deportivo nobo cu yerba, remodelacion di hopi espacio publico, aumento di bijstand y pensioen, reduccion di prijs di awa y coriente, cambio pa miho calidad di bida pa e ciudadanonan. Pesey 2017 ta e aña pa concretisa e base fuerte aki pa futuro, progreso y prosperidad por continua.

AVP, Mike Eman a bisa, ta invita henter pueblo di Aruba pa bin diabierna awor, dia 21 di juli, pa apertura di Green Square na skina di Adriaan Lacle Blvd y Lloyd G. Smith Blvd, ora cu lo keda presenta oficialmente e candidato pa hubentud Marksonn Maduro.

Diabierna awo ta bay tin un ambiente grandi cu musica di Audio Rush; Perfect Sound; Phattunez; Le Groove; Rincon Boyz; Tsunami; Nutzbeatz; Sticky Sound hunto cu e pueblo di Aruba. Yega.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio