175
Diasabra den oranan di atardi famia di Renald Jose Dirksen a dicidi di bati alarma pa motibo cu Renald lo a sali di Diabierna atardi y te diasabra atardi nan no tabata sa di su paradero.
Diasabra algo pasa di 8’or di anochi a localisa Renold Dirksen. Polis a top’e riba caminda na Piedra Plat y despues di a localise, ela bay warda di polis pa duna cuenta.
Ruman di Renold a comunica cu nos y kier a aclarea loke a wordo publica cu no tabata corecto y aparentemene lo a aparece den medionan social y riba website di noticia.
Segun su ruman nan a pone cu Renold lo tabata tin un arma di candela cu ne y cu Esey Sigur NO tabata e caso.
Renold ta un persona cu ta practica e deporte di airsoft, arma cu e lo por tabata tin cune ta di airsoft, Renold no tin arma di berdad, e ta inverti hopi placa den e deporte aki.
Tambe a pinta su ruman como un persona peligroso, cual sigur su ruman no ta, e ta un persona hopi trankil y es mas su ruman ta un empleado publico pa basta aña caba y tambe cu su ruman lo tabata actua straño ultimamento tampoco no ta cuadra cu e berdad.
Nan ta lamenta cu ora un famia den desesperacion bati na porta di autoridad pa ayudo, e información cu famia a duna pa por haya nan miembro di famia bek ta wordo troci y saca for di contexto masha mahos mes y cu no ta cuadra cu e berdad.