Home Uncategorized Dama ta bira malo tras di stuur y ta bay dal contra...

Dama ta bira malo tras di stuur y ta bay dal contra un edificio den construccion den Caya G.F. Betico Croes

SHARE

Oranjestad, Dwarsstraat – Diadomingo pa mas o menos  7’or di anochi,  polis ta wordo manda pazuid di e salida di Burger King na Playa.

Aparentemente un dama tabata manehando un Hyundai Accent y lo a bira malo net na momento cu e tabata saliendo for di e drive thru di Buger King.
 
E dama lo a primi gasolin enbes di primi brake, accelerando e auto y asina e auto a bay dal contra un edificio den renobacion net su dilanti.
 
Ambulance tambe a presenta na e sitio y a atende cu e dama y despues a transport’e pa hospital.