Biografia di Kinsasha van der Bliek, candidato riba lista di RED

Esaki ta Kinsasha van der Bliek (ReD); un biografia
Kinsasha ta completamente nobo ariba e tereno di politica pero pa e ultimo 5 añanan a mira a
primera mano e impacto enfatico ariba nos sociedad door di negligencia di parti di gobierno di
desaroyonan social den nos pais. Esaki ta a base di experencianan diario den e ramo di husticia.
Pero tambe a base di experencia personal ja for di su niñez.
Kinsasha su nomber completo ta Kinsasha Florence van der Bliek, naci na Eindhoven Hulanda
na aña ’86, e di dos yiu di un tata Arubiano, van der Bliek y un mama Curasoleño, Thielman. Cu
su 5 aña, huntu cu su mayornan cu a regresa Aruba despues cu Kinsasha su tata a termina su
estudio nan na Hulanda, Kinsasha a pisa pa prome biaha ariba e pida baranka stima aki cu jama
Aruba, e pais cual e a lanta ta stima, ta identifica como su pais y cual pais e tin na su curason.
Pa mas di 10 aña caba Kinsasha ta sirbiendo su pais den e tereno hudicial. Despues di scol basico
Kinsasha a sigi su estudio ariba VWO niveau y na 2005 a haal 3 deelcertificaat. Factornan social,
entre otro mama y tata ausente, e impacto di divorcio di su mayornan y paralelo cu esaki un
systema deficiente di departamentonan social di gobierno a hunga un rol inmenso den con
Kinsasha a desaroya for di su niñez pa adolecencia y pa un hoben adulto. For di hoben Kinsasha
a traha y bai scol y for di hoben semper Kinsasha a sinti un inclinacion pa para pa husticia y
vocifera ora e tabata percibi algo como inhusto. Kinsasha tin cu admiti si cu den su hubentud no
ta semper e tabata tin e mihor dicernimento y sano huicio, pero a madura den esaki nan cu e aña
nan y experencia nan di bida.
Na 2005 despues di e set-back pa cu educacion academico y tambe e realisacion cu e direccion
den cual estudio academico lo a hiba Kinsasha y cu esaki no tabata unda su passion tabata e a
tuma e desicion di termina su trayecto di educacion academico y a matricula den e Estudio
Basico di Warda Costa di Antiyas Hulandes y Aruba (Kustwacht NA&A) cual Kinsasha a logra
termina y logra su Diploma y diferente certificado ariba tereno maritimo, seguridad y ariba
tereno di renforsa leynan di nos pais. Pa 5 aña Kinsasha a sirbi su pais ariba lama den e funcion
di cuidado di nos costanan y na 2010 su contract a termina. Den e mesun periodo di 5 aña aki
Kinsasha a casa, bira mama di dos yiu muhe, kende nan ta Kinsasha su ‘driving force’ y tambe
despues di un poco menos cu 5 aña di matrimonio a pasa door di su propio divorcio. Na 2012
Kinsasha a solicita y logra un bes mas funciona ariba e tereno di husticia, cual tereno Kinsasha ta
sumamente apaciona di dje. Te cu presente Kinsasha ta funciona como beveiligings
medewerkster ariba transporte di detenido, cual departamento ta resorta bou di Cuerpo Especial
Arubano y ta uno di apoyo pa entre otro, Cuerpo Policial, KIA y Corte di Husticia.
E experencia nan personal di Kinsasha den su niñez y adolecencia y e experencia nan despues
den su bida adulto di a encontra su mes relativamente hoben (25 aña) cu dos yiu chikito, pasando
den un divorcio, instabilidad di empleo, instabilidad financiero y un circulo hopi chikito di sosten
Kinsasha a realisa con deficiente e systema social di nos pais ta. Kinsasha su perseverancia,
abilidadnan diverso y e hecho cu Kinsasha ta un persona di caracter fuerte y determina, combina
cu e dicha di por a ricibi ayudo y sosten den manera practico di famia y amistades a hasi cu a
pasa e periodo dificil aki di su bida. Apesar cu e temporada nan mas dificil ja a pasa Kinsasha ta
reconose y admiti cu ta mama soltera ta un tarea sumamente dificil y cu e situacion precario di e
desaroyonan social ariba nos pais ta hasi cu e peso aki no ta bira mas lihe.
Despues di su propio experencia nan Kinsasha mas y mas den e ramo di su profeshon a cuminsa
experencia efectonan di e impacto di e negligencia pa desaroyo social di parti di gobierno nan
durante e ultimo 16 aña nan. En berdad e experencia a primera mano ta e criminalidad cu a
mustra di a subi. Pero na mes momento eherciendo su trabou Kinsasha a bin realisa y compronde
cu e raiz di e problemanan social den nos pais, cual entre otro criminalidad, ta e falta di desaroyo
social di nos pais.
Kinsasha ta kere cu mester bin un cambio total, un cambio total di gobernacion, for di uno cu un
vision limita sin bista ariba e futuro y cu falta completo un enfoke ariba nos hendenan pa uno cu
tin nos hendenan central y cu ta trese desaroyo ariba e areanan cu realmente ta brinda nos
hendenan un futuro prospero. Mester bin un cambio completo den alocacion di poder, no for di
un gobierno pa otro gobierno, pero for di gobierno pa e pueblo cual ta wordo representa den
Parlamento di Aruba. Mester sanea e funcionamento interno di nos organo di mas halto di nos
pais pa asina e pueblo su voz en berdad resona den Parlamento. Y esaki por wordo sanea door di
percura cu Parlamento nunca mas ta un extension di e gobierno y cu esaki en berdad ta eherce su
funcion di controla e gobierno y vanguardia e bienestar di nos pais y segura nos futuro y futuro
di nos yiu nan.
Esaki ta e motibo pa cual Kinsasha a tuma e paso y lanza su mes como candidato politico. Pa por
primeramente juda educa nos hendenan ariba e importancia di cambio y pakiko esaki ta
importante y necesario pa nan mes y pa primordialmente TA e cambio cu nos pais tin mester y ta
merece. Kinsasha a tuma e challenge aki reconosiendo cu e cambionan ta grandi y cu e
cambionan ta hopi, pero determina pa trese esakinan na realse.
Kinsasha ta convenci cu ta imposibel trese cambio ora bo ta parti di e seno cu tabata y ta e
problema. Pesey Kinsasha a postula su mes cu partido ReD democratico cu ta para pa e mesun
ideologianan y cambionan pa cual Kinsasha tambe ta para pe, cambionan cu nos pais tin mester y
ta merece. Pa tin gobernantenan y representantenan di pueblo cu ta integro y cu realmente tin e
bienestar di nos pais, nos hendenan na pecho. Pesey Kinsasha su apelacion ta pa e pais ta critico
y conciente pa ken ta deposita nan voto. Mas aun Kinsasha ta apela fuerte na esnan di su
generacion (Millennials) y e generacion cu ta sigi nos (Centennials) cual Kinsasha ta convenci cu
TA e generashon di cambio, pa ta spierto y reconose ora cu e partidonan cu a bin ta e problema
pa 16 aña largo ta husa un persona di nos propio generacion cu cual bo por identifica bo mes
miho cune pa manipulabo. E realidad ta cu cualkier voto deposita pa un di e fellow millennials
nan aki ta un voto deposita pa e mesun tipo di maneho cu nos a bin ta experencia e ultimo 16 aña
nan y tambe cualkier maneho ‘nobo’ cu a flui for di den cualkier di e seno nan aki. Manehonan
sin vision, sin diversificacion, sin e hendenan central, manehonan corrupto cu a benificia famia,
amistades y nan mes a costo di e bienestar di nos pais.
Aruba tin mester y merece cambio REAL y duradero! Esaki ta e tempo pa escogencia! NOS ta e
generacion di camb