Patronchinan di soño di antiguedad y cambionan natural den ciclo di soño por yuda splica e spiertamento den anochi, pero bo preocupa por haci e situacion pio.
Si bo a nota cu ultimamente tin mas hende riba internet ta papia un poco mas tocante con nan ta lanta constantemente na 3’or marduga, no ta importa ki nan haci, no ta importa cua tipo di medicamento pa soño nan ta tuma, ni tampoko na ki ora nan subi cama, compronde cu esaki ta un topico cu humanidad ta papia di dje entre su mes pa miles di aña. Lanta diripiente ora bo realmente mester di bo soño no ta nada nobo, pero investigadornan moderno kizas a yega finalmente na un bon splicacion y e ta basa den nos pasado di antiguedad.
E historiador Roger Ekirch a trace mas di 2.000 referencia historico na “soño dividi”, e rutina di soño pre industrial den cual hende naturalmente a drumi pa algun ora despues di solo baha, a pasa tempo te rond mey anochi papia cu otro y haci mas cos, y despues ta bolbe drumi den un “di dos soño”.
Manera cu ScienceAlert a señala, investigacion di NIMH na principio di añanan 1990 y un estudio di 2017 entre comunidadnan na Madagascar sin electricidad a mustra cu hende naturalmente ta bolbe na mesun ciclo aki. Hende no tabata drumi ocho ora completo te ora e Revolucion Industrial a introduci luz artificial den nos bida.
BO SPIERTAMENTONAN 3or DI MARDUGA PODISE TA RESTO DI UN HABITO DI SOÑO ANTIGUO DI HUMANIDAD
Papiando biologicamente, e procesonan di soño di bo curpa no ta realmente bira activo na un nivel halto te den e segundo parti di anochi, manera estudionan anterior di CDC y NIH ta mustra cu soño deep slow-wave ta domina na principio di anochi. Despues, den e oranan prome cu mainta habri, ora temperatura di bo curpa ta baha un poco y e fase REM ta bira mas presente, bo ta cuminsa bira un poco mas facil pa lanta. Tur esaki ta e proceso natural cu ta tuma luga den bo curpa.
Y despues tin varios factor cu por influencia bo soño, manera un bahada di progesterona si bo ta pasando door di menopausa, of bo por ta experimentando un bahada di sucu den bo sanger durante anochi si bo cuminda cu na come algun ora prome tawata light.
No importa cua ta e motibo exacto cu ta haci bo lanta meymey anochi, e cos cu bo mester preocupa mas pa dje ta e miedo y preocupacionnan cu ta bin despues y cu ta tene bo lanta. Tur e wakmento constantemente di bo holoshi y e “panico” pasobra bo ta lanta ora cu realmente bo mester ta drumi, ta e cos cu ta alimenta[fuel] bo anochinan sin soño.
E solucion cu normalmente ta recomenda ta pa evita luz mas tanto cu bo por. No mira bo telefon; no cende e luz si bo a bay baño pa orina. Si bo ta bay keda lanta toch, haci algo boring, preferiblemente den scuridad mes.