Na Brazil, polis a topa cu un fabrica clandestino cu ta reproduci autonan di marca Ferrari y Lamborghini. E fabrica tabata wordo maneha pa un homber y su yiu homber, ambos a keda deteni.
Santa Catarina, Brazil: E duo tabata fabrica imitacion di e autonan aki den un garashi na Santa Catarina, cu ta keda na e parti zuid di Brazil. Ora nan caba di fabrica e imitacion di e autonan aki, nan tabata bendenan riba medionan social pa entre 45 mil cu 62 mil dollars. Esaki ta casi pornada compara cu e prijs di un original.
No ta conoci cu parts di cua marca di auto nan tabata usa pa traha e autonan aki, y mucho menos di unda nan tabata hayanan.
Durante e entrada hudicial autoridad a confisca 8 auto cu no tabata cla ainda. Autoridad brazilero lo haci mas investigacion ribanan pa asina haya sa di unda nan tabat haya e partsnan di auto.
E autonan aki tabata tin e emblemanan oficial y acesorionan identico na esunnan original pa asina haci manera cu ta trata di autonan procedente di Italia.