Motociclista a bay evita un accidente y a cay herida su mes pianan

Tanki Flip – Diahuebs anochi polis cerca di rotonde di Tanki Flip a topa cu un accidente dilanti e supermercado nobo.

Na e sitio nan a topa cu un motocilcista cu tawata ariba su Scooter, y lo a cay ora cu un auto a lora su dilanti. Segun e motoclista e tawata sinti dolor na su ambos pia.

Ela conta polis cu e tawata bayendo direccion zuid, momento cu un Toyota Yaris a bayendo nort a bira su dilanti pa bay e supermercado.

Pa e motoclista no dal contra e auto ela bay haci un maniobra y a cay herida su mes.

Polisnan a pidi pa un ambulance pa por controla e motoclista debi cu e tawata tin dolor.