Home Entertainment TETEMA remix lo habri frontera Musical  “Papiamento lo resona un bes...

TETEMA remix lo habri frontera Musical  “Papiamento lo resona un bes mas Mundialmente” 

SHARE

 

ORANJESTAD, ARUBA 19 di Januari nos Artista Nacional Jeon conhuntamente cu su Productor Personal di Videografia Edward Silberie a biaha pa Dubai caminda diferente Artistanan y Musiconan cu ta resaltando Internacionalmente a participa 1 siman den un convencion di projectonan y tayernan diverso. Den e siman aki Jeon a crea un bon relacion cu e Artistanan caminda awe a habri otro oportunidadnan cu nos yui di tera pronto lo estrena. Un di e Artistanan cu su amistad a keda crese cu transcurso di tempo ta Mohombi. 

“Mohombi ta un Artista Multiplatinum cu no ta desconoci den e mundo musical na Africa y Internacional.” 

No mucho tempo pasa Mohombi a aserca Jeon pa un tremendo colaboracion musical cu e cancion titula TETEMA e la menciona “ I want Jeon on this Track!” cu e cancion aki nos ta premira cu e lo habri oportunidadnan grandi pa nos Artista Nacional caminda Papiamento, un bes mas lo resona Mundialmente. 

“Intencion di e remix di TETEMA ta pa habri frontera Musical di America Latino y Africa pa WORLDWIDE.” 

Ta oficial y confirma. AWE 5 di July 2019 e cancion original cu actualmente tin mas di 20 miyon views riba youtube “TETEMA” su REMIX a wordo lansa. E Artistanan cu ta colaborando den e Remix aki cu Jeon ta entre otro Pitbull, Mohombi, Rayvanny y Diamond Platnumz. 

“Nos Artista Nacional ta colaborando cu 4 Artista explosivo Internacional” 

“Jeon ta trahando riba diferente projectonan grandi” 

Preparacionan ta grandi pa locual ta na caminda den Jeon su carera musical. Y den su rednan social continuamente por mira con e ta expresa su gratitud y reconocimento pa tur esnan cu ta dune sosten y cu continuamente ta apoy’e. Un di su deseonan ta pa inspira nos muchanan pa nunca stop di soña, cu por medio di su exito nan por mira nada no ta imposibel si bo duna di bo mes henteramente pa logr’e. 

Ademas di colabora cu diferente Artistanan internacional manera J.Balvin y Nicky Jam. Recientemente e cancion titula Pa’lante featuring Alex Sensation, Anitta y Luis Fonse a wordo lansa. Awor REMIX di TETEMA. Y hopi mas ta na caminda. 

Nos ta den gran espectativa pa mira nos Yui di tera Jeon sigui crese den e tereno musical, y cu e continua cu tur su metanan exitosamente. 

Un poco mas di Artistanan cu ta colaborando den e Remix song di “TETEMA” 

Rayvanny 

https://youtu.be/n6pCgzHMJY8 cancion orginal di TETEMA Instagram di Rayvanny https://www.instagram.com/rayvanny/?igshid=16ciejto2lrtx 

Diamond Platnumz 

https://youtu.be/FH2QsiBixe4 https://youtu.be/aBWdmypdkYI Instagram di Diamond Platnumz https://www.instagram.com/diamondplatnumz/?igshid=61lgugy48vr5 

Mohombi 

https://youtu.be/3Z2ZqNckxHE Artista Mohombi den colaboracion cu diferente Artistanan renombra Instagram di Mohombi https://instagram.com/mohombimusic?igshid=1wrio047ebkfi 

Pitbull https://youtu.be/maShEST7IkI Pitbull su ultimo colaboracion musical cu ta creando un bon acohida internacional Instagram di Pitbull https://instagram.com/pitbull?igshid=1x7jl8pxecsi2