[vc_row][vc_column][vc_column_text]Johan de Wittstraat – Diabierna merdia polis a bay pura den Johan de Wittstraat, unda hendenan lo tin un homber wanta.
Na yegada di polis nan a compronde cu e homber aki cu ta un persona desconoci pa e habitantenan den e caya a drenta un cas y purba bay cu un mucha.
Elo a choca e mucha pa bay cune, aki ta unda mama di e mucha a reacciona mesora y a cuminsa grite y te hasta lo a medio lucha cune pa e laga su yiu los.
Di eynan el cora sali drenta un cas mas pariba, unda tampoco nan conoce. Eynan polisnan a lucha cune y pone den boei.
E homber tawata soda masha hopi mes, indicando cu ela usa un substancia basta pisa cu ta pone su sistema traha na un manera super halto.
Manera nos a bisa caba, niun hende no conoce e homber aki. Mirando cu e homber ta agresivo ela wordo transporta directamente pa warda di Shaba, unda elo permanece eynan.
No ta conoci si e homber tin problema mental tambe.
[/vc_column_text][/vc_column][/vc_row][vc_row][vc_column][vc_column_text]
[/vc_column_text][/vc_column][/vc_row]
