Santa Cruz – Balashi, Diabierna mainta por a mira basta polis cu sirena y zwaai licht bayendo zuid den Santa Cruz. E motibo tawata cu un otro patruya tawata tras di un auto, pues un persecusion.
Segun nos a compronde, patruya a duna e auto aki un stopteken, pero e chauffeur no a cumpli cu esaki y a opta pa core pa polis.
Agentenan mesora a pensa of lo pensa cu e persona na stuur lo tin algo ilicito cune.Asina a start e persecusion cu a termina na un adres na Balashi.
Eynan polisnan a detene un hoben, ela wordo poni ariba vloer y mesora den boei. E auto no tawata di dje, pero di un familiar. Polisnan a rista e auto por completo, pero no a haya nada particular.
A resulta cu e hoben aparentemente a core pa polis debi cu e no tin rijbewijs, y esaki a pone spanta y core bay loke tampoco ta bon paso e la trece su mes y otro hende nan bida den peliger.
Ela wordo hiba warda di polis y eynan a tuma su datos y tambe si ta bon splike un ke otro ariba e coremento sin rijbewijs.
Show quoted text