Venezuelastraat/Chilestraat – Diadomingo anochi pa mas o menos 11’or polis y ambulance a wordo pidi den Chilestraat, pa un caso serio di maltrato.
Mesora polis a bay e adres den Chilestraat y enberdad a bin topa cu un hoben di 14 aña, seriamente maltrata.
Segun e mucha homber, mas o menos 8 hoben a dale altura di Tat Fat situa den Venezuelastraat, di eynan ela core direccion Chilestraat y logra busca ayudo.
Ambulance a wordo pidi u urgencia, y na nan yegada Paramediconan a sali mesora cu e hoben(14) pa Hospital. Por a mira cu ela haya basta golpi na cara, un wowo tawata baha.
Recherche y tambe slachtofferhulp a wordo poni na altura di e caso serio aki.
Nos a compronde cu e hoben sa of conoce esnan cu e comete maltrato.
Pues no ta bira dificil pa recherche pone man ariba e personanan aki.
Pakiko ela wordo maltrata no ta conoci pa nos.
