Sasaki – Diadomingo atardi patruyanan a bay cu urgencia poco panort di Taco Bell Sasaki, unda un auto lo a bolter y e ocupante ta benta ariba caminda.
Na yegada di polisnan mesora a cera e rotonde di Sasaki cu ta bay pa Super Food.
Poco mas panort nan ta mira un Suzuki Swift color berde y yegando mas cerca di e vehiculo un persona ariba caminda.
Tawata trata di e ocupante, cu ta un cabayero. Durante cu e auto a perde control bahando caminda, esaki lo a bolter tambe sacando e chauffeur.
Segun testigonan, e auto lo tawata bayendo direccion nort cu velocidad hopi halto, y a perde control dal un borchi di trafico bolter y cay bek ariba su 4 wielnan.
Durante e boltermento e chauffeur a wordo saca for di e auto pa falta cu e no tawata tin seatbelt bisti.
E homber tawata sclama di dolornan fuerte.
Ambulance mientrastanto ya tawata na caminda.
Paramediconan na yegada y cu ayudo di mas hende a yuda lanta e victima pa e bay Hospital.