ORANJESTAD, Aruba – Aruba Bank a yama bon bini na un grupo di studiantenan di HAVO cu a bishita nan sucursal principal na Camacuri hunto cu Stichting “JA IK” Aruba. E tour di inspiracion tin como meta pa yuda orienta e studiante ariba tereno laboral y duna training di experencia di trabou.
Durante di nan bishita e studiantenan a ricibi varios presentacion di e diferente ocupacion den banco y a crea casonan p’e studiantenan cu a culmina den intercambio entre e studiante y e representantenan di banco na un manera interactivo. A toca tema tambe ariba e postura di e empleado na trabou, cu ta inclui e comportacion, actitud y habilidad.
E tour di inspiracion ta duna un bista real ariba oportunidadnan cu e studiante tin na Aruba pa hana training practico via “stage” y of un trabou complimentario.
Aruba Bank ta desea tur studiante exito den futuro.