Señora na stuur di un Honda ta dal homber cu tawata ocupa cu verf caminda

Balashi – Diahuebs mainta polis a bay cu urgencia Rotonde di ex Drive Inn, unda lo tawata tin un accidente di trafico.

Na yegada polis ta topa cu un cabayero cu ta den grupo cu ta pinta caminda.
E homber tawata ariba caminda drumi, elo a wordo gedal door di un auto.

Loke a pasa tawata cu un auto marca Honda maneha pa un señora a subi e rotonde pa bay direccion Santa Cruz.

Pa un of otro motibo e ta dal un di e personanan cu tawata bezig ta verf caminda.
E homber tawata keha di hopi dolor na lomba y su pia.

Rapid Responder a yega y mesora a cuminsa atende e homber, mientras ambulance tawata yegando pa por transporte pa hospital.