Awe un biaha mas pueblo ta wak cu prueba con partido AVP ta hiba un politica basa riba engaño y trata na crea rabia riba hende y kibra nan imagen den comunidad. Pueblo por wak e carta dirigi na Parlamento caminda ta para cu niun momento so Embahada Hulandes ni Dimas a manda carta pa sr. Endy Croes unda lo investig’e pa Mensenhandel. E modus operandi aki nos a conoce caba den pasado y ta mesun manera awendia nan ta purba hiba e politica aki di dividi pueblo p’asina por haci y deshaci cu propiedad y placa di pueblo con cu nan kier pasobra pueblo ta bezig ta wak otro y alaves odia otro enbes di wak kico ta pasando riba nos isla.
Robert Candelaria
Mi por a spera esey di Arthur Dowers pasobra su persona ya ta conoci di pasado con a stigmatisa hendenan drechi y nan famia pa por a yega na poder y alaves por a probecha y regla su esposa e posibilidad di por genera hopi placa door di su bufete di abogado. Pero di Robert Candelaria cu ta cana tur caminda profila su mes como e bon samaritano y salbador di mundo pero a bin resulta di ta un mentiroso y instigador grandi. Unda cu su persona cu conocemento amplio di husticia ta presta su mes pa purba manipula, gaña y crea rabia riba hende. Pero mi a kere cu kizas Candelaria den un momento di debilidad por a cay pa tuma un puesto di director di Directie Scheepvaart sin a pasa e procedura di solicita, pero realidad ta cu Candelaria ta un sinberguensa grandi cu pa yega na poder ta capaz di gaña, daña imagen di hende.
Manifestacion
Un manifestacion ta un derecho pero mester por ser hustifica. Y pueblo mes por a wak e mini manifestacion y esaki ta un muestra di desaprobacion pa Mike Eman cu mi ta keda yama un cobarde cu a nenga di bira formador y a nenga di bay parlamento pero ta prefera di keda afo ta grita, haci mahos y purba dividi nos pueblo enbes di bin parlamento bin defende su ex maneho desastroso. Y sigur e manera con bulgar tabata grita y un ex minister Mike de Meza cu pami persona a bin bou influencia sea di alcohol of otro substancia prohibi, a duna pueblo y sigur esnan cu a sostene AVP den e ultimo eleccion ainda mas berguensa y hopi a tuma contacto cu mi persona pa expresa nan mes cu AVP nunca mas nan lo sostene.