Homber considera peligroso deteni na Turibana

Turibana – Diadomingo durante dia polisnan di Noord a detene un homber busca pa Recherche.

E homber aki yama Jeffrey”Difo” Espinoza ta biba na Madiki, pero lo tawata sa cu e ta wordo busca pa Husticia.

Pa e motibo aki ela bay keda den area di Turibana, unda cu polisnan lo a haya tip of nan a spot e y a bay over na detene su persona.
Detencion a bay sin problema, ela wordo poni den boei y transportwagen a yega y a bay warda di Shaba cune.

Na yegada ora a bay bahe Espinoza tawata tin su mannan dilanti. Pues un persona hopi agil mes.

Espinoza no ta un persona desconoci pa Husticia, door cu den pasado lo a yega di ta envolvi den caso di atraco.
Awor e tawata wordo busca pa ladronicia, di kiko no ta mucho cla.